【裝修佬專欄】【抽濕機用法】抽濕機6大安全使用貼士 開機前必做一步驟 室內乾衫原來好多人都擺錯位!?

早前荔景邨發生一宗疑似因抽濕機引起嘅火警。據報導係一個低層單位冒出濃煙，仲一度傳出爆炸聲。現場消息指涉事單位疑因抽濕機短路，燒著屋內雜物引致。幸好今次無人受傷，但就提醒咗大家對抽濕機使用安全嘅重要性。

喺香港，抽濕機已經成為家庭中不可或缺嘅電器。特別喺潮濕季節，尤其係某幾個地區嘅居民感受應該特別深。另外，香港居住空間普遍偏細，好多家庭都缺乏露台或天台等戶外晾衫空間，迫於無奈要喺室內乾衣，咁抽濕機幾乎成為一年四季嘅必需品。正因為咁，安全使用抽濕機尤其重要。但如果使用不當，真係會有火災隱患。以下係幾個抽濕機嘅安全使用貼士，大家一定要謹記，減低意外風險。

抽濕機安全使用貼士

1. 開機前一定要清理水箱

每當天氣潮濕，相信不少家庭都會出動抽濕機在家裡抽濕。但每一次開機前，都必定要清理水箱，以免水箱太滿。雖然在正常情況下，抽濕機滿水後會自動關機。但如果水箱太滿，而水量感應又剛巧失靈，溢出的水便有機會弄濕附近的電掣、插頭等，隨時有漏電而引致火災的風險。

2. 擺放位置要適當

抽濕機的擺放位置對其運行效果至關重要。應避免將其放置在牆邊或狹窄的空間內，事關機背的入風口可能會因通風不良而導致機身過熱。最理想應該平穩地放置在室內中央，周圍保持通風良好，這樣可以確保抽濕機順利運作，並減少過熱的風險。

睇更多：【用錯洗衣機洗錯衫!?】洗衣機5大使用壞習慣 你中幾多樣？

3. 衣物不宜晾在正上方

很多人乾衣時會將衣物掛在抽濕機的正上方。但一旦濕衣物在抽濕過程中意外掉落，就會有機會覆蓋在出風口上。實際上，衣物應與出風口保持一定距離，否則可能會引致散熱不良造成機件故障，甚至會引起火警。

4. 避免在睡覺或不在家時使用

抽濕機運行期間，應定時檢查其運作狀況。如果抽濕機出現異常聲音、氣味或過熱情況，應立即停止使用並檢查。但如果在無人看管的情況下使用，當發生異常狀況便無法即時處理。此外，亦要避免長時間運行令機件過熱。建議連續使用不多於8小時，需適時停機讓機器冷卻。

睇更多：【公屋裝修】4大技巧 2個大忌 公屋間房必學

5. 定期清洗濾網

長時間不清理濾網會影響抽濕效果和散熱。建議每兩週清洗一次，以確保設備正常運作，並可以延長電器壽命。但濾網必須待乾透後才裝回，以免發霉。

6. 用後要妥善存放

使用完畢後，應將抽濕機妥善存放。確保將其直立放置在平穩的地方，避免傾側，這可以減少故障或漏水的風險。如果長時間不使用，建議清洗後用膠袋包好，以防灰塵掉進入機內，尤其是出風口向上而欠缺遮蓋的型號。

___________________________________________________________________________

免費了解更多不同屋型裝修報價：

公居屋｜https://decoman-publichousing.com/

私樓｜https://decoman-privatehousing.com/

一手新盤｜https://decoman-newproperties.com/

唐洋樓｜https://decoman-tenement.com/

===============================================